A raíña Clitemnestra pasou á historia da literatura como exemplo de muller pérfida e traidora por ter asasinado xunto co seu amante Egisto ao seu home Agamenón á volta deste da Guerra de Troia.

Está claro que a Historia e as traxedias literarias son escritas por homes. Teríamos que remontarnos á boda da propia Clitemnestra con Agamenón, boda forzada e que para ter todos os datos foi co asasino do seu primeiro marido Tiestes e do seu fillo pequeno….Ou sexa Agamenón era un home cruel que chegaba ao infanticidio….Pero non queda aí a cousa…anos despois de todo isto, cando xa Clitemnestra lle dera a Agamenón catro fillos e asumira o seu destino, os deuses caprichosos esixen o sacrificio da filla de ambos, Ifixenia, para que as naves partan cara Troia.

Que vos parece si a unha muller a casan co asasino da súa familia, a forzan a convivir con ese individuo e anos despois sacrifican como un cordeiro a súa filla por contentar aos deuses do Olimpo e os soberbios caudillos gregos???

Non nos parece moi estraña a decisión final de Clitemnestra de vingarse dun home tan infame….